Nanguna sina dating senador Ferdinand “Bongbong” Marcos Jr. at Davao City Mayor Sara Duterte sa presidential at vice presidential preference survey ng OCTA Research Group.
Sa tugon ng masa National survey ng OCTA research na ginawa mula December 7 hanggang 12, 54% ng respondents ang suportado ang “presidential bid” ni Marcos sa eleksyon 2022 at pumangalawa naman si Vice President Leni Robredo, na nakakuha ng 14%.
Pumangatlo naman si Manila City Mayor Francisco “Isko Moreno” Domagoso na nakakuha ng 12%, senador Emmanuel “Manny” Pacquiao na may 10% at senador Panfilo “Ping” Lacson na nakakuha ng 5%.
Habang 0.02 % naman ang nakuha ni dating presidential Spokesperson Ernie Abella at 0.001% si Ka Leody De Guzman.
Samantala, sa pagka-bise presidente naman, ‘runaway winner’ din ang katambal ni Marcos na si Davao Mayor Sara Duterte na may 50% na marka.
Sa survey pa rin ng OCTA Research, sumunod kay Mayor Sara si Senate President “Tito” Sotto na may 33%, senador Francis “Kiko” Pangilinan, 9%, Doctor Willie Ong, 4%, deputy speaker Jose “lito” Atienza jr.,1%, at Walden Bello na may 0.07%.
Mayroong 1,200 na repondents ang naturang survey at may plus minus 3 percent (±3%) na margin of error. —sa panulat ni Hya Ludivico
