Ganap na ang pagpapatupad ng tap and go payment system sa buong Light Rail Transit o LRT line 1.
Ito’y makaraang i-anunsyo na ng kumpaniyang AF Payments Incorporated na maaari na ring magamit ang mga beep cards sa North bound ng LRT 1 simula ngayong araw.
Ayon kay Peter Maher, CEO ng AF payments, bunga ito ng pagtutulungan ng kanilang technical and operations team, Department of Transporation and Communications at pamunuan ng LRTA upang masusing paghandaan ang nasabing sistema.
Samantala, inaasahan ding magagamit na ng mga mananakay ng Metro Rail Transit o MRT line 3 ang beep card system sa una o ikalawang linggo ng Oktubre.
By: Jaymark Dagala
