Pinawi ni Department of Labor and Employment (DOLE) Secretary Silvestre Bello III ang mga pangamba kaugnay sa tunay na kalagayan ng kalusugan ng Pangulong Rodrigo Duterte.
Kasunod ito ng pag-amin ni Pangulong Duterte na sumailalim siya sa ilang medical procedure.
Ayon kay Bello, maayos ang kalagayan ng pangulo patunay dito ay ang walang pagod niyang pag-iikot sa rehiyong sinalanta ng Bagyong Ompong.
“Kung may sakit ang ating president eh na malala eh kaya ba ng katawan niya gawin yun? Ako nga eh hirap na hirap na eh. Eh yung dalawang kasama kong secretary pagod na pagod na, nag uwian na. Samantala, si president nandyan pa.” Pahayag ni Bello.
