“Sinovac is the best vaccine.”
Ito ang inihayag ni Philippine General Hospital (PGH) Director Dr. Gerardo Legaspi, matapos mabakunahan ng Coronavax na mula sa Chinese pharmaceutical company na Sinovac.
Ayon kay Legaspi, sa ngayon ay masasabi niyang “best vaccine” ang Sinovac dahil ito lamang ang bakunang mayroon ang bansa.
Dagdag ni Legaspi, wala siyang naramdamang kakaiba sa kanyang katawan matapos maturukan ng bakuna.
Sinabi rin ni Legaspi na marami pang health workers ng PGH ang may agam-agam na magpabakuna ng Sinovac kaya maghihintay pa ang mga ito ng ibang brand ng bakuna na darating sa bansa.
Samantala, inirerekomenda naman ng National Immunization Technical Advisory Group ang Sinovac COVID-19 vaccine sa mga health workers. —sa panulat ni Rashid Locsin
