Pumanaw nitong Martes, ang beteranong mamamahayag na si Jun Del Rosario sa edad na 62.
Kinumpirma ito ng kanyang anak na si Sanchia sa pamamagitan ng social media post.
Stage 4 pancreatic cancer ang naging sanhi ng kamatayan ng award winning journalist.
Si Del Rosario ay naging bahagi ng ABS-CBN, National Broadcasting Corporation, Solar News at CNN Philippines.
Naging bahagi rin siya ng programang ‘Balita Na Serbisyo Pa’ sa DWIZ.—sa panulat ni Hyacinth Ludivico
