Isandaang porsiyento nang handa ang Bureau of Fire Protection (BFP) para sa gaganaping Asia Pacific Economic Cooperation (APEC) summit sa Iloilo City.
Magiging host kasi ang lungsod sa idaraos na Senior Disaster Management Officials forum o SDMOF sa Setyembre 22 hanggang 23 ngayong taon.
Ayon kay Fire Marshal Superintendent Jerry Candido, kahapon ay nakapag-deploy na ang BFP ng 180 personnel.
Nakatalaga ang ilang BFP personnel bilang mga fire city inspectors habang ang iba ay isasama sa mga fire teams.
Tiniyak din ni Candido na magiging katuwang ng Philippine National Police ang BFP sa pagtiyak sa seguridad ng mga delagado sa APEC summit.
By: Jelbert Perdez
