Magdaragdag ang Bureau of Immigration (BI) ng 200 Immigration officers dahil sa inaasahang pagdami ng mga mananakay sa nalalapit na APEC Summit, gayundin sa holiday season.
Ayon kay Immigration Commissioner Siegfred Mison, nagkabit na rin ang kanyang tanggapan ng 400 passport readers sa mga Immigration booth upang mapabilis ang proseso ng mga dokumento ng mga biyahero.
Pagmamalaki ni Mison, dahil sa mga passport reader na ito magiging 45 segundo na lamang ang dating dalawa hanggang tatlong minutong proseso.
By Jelbert Perdez
