Patay ang isang miyembro ng Bangsamoro Islamic Freedom Fighters (BIFF) sa inilunsad na operasyon ng militar sa Barangay Lumupog, bayan ng Midsayap, Cotabato.
Isa sa target ng operasyon ng 34th Infantry Battalion si Commander Ob-10 ng Bungos faction na sinasabing sangkot umano sa mga pambobomba sa Central Mindanao.
Sa operasyon na ito, nagka-engkwentro ang dalawang panig hanggang sa tamaan ng bala ang mga armado na sakay ng isang bangka na siyang ikinasawi nito.
Samantala, inaalam pa kung kasama sa nasawi sa operasyon si Commander Ob-10.
