Matapos ang rollback noong mga nakaraang araw, nagbabadya ang panibagong dagdag presyo sa mga produktong petrolyo, ngayong Linggo.
Ayon sa Unioil Petroleum Philippines, P.060 hanggang P0.80 ang posibleng itaas sa kada litro ng kanilang diesel habang P1 hanggang P1.10 sa gasolina.
Epektibo naman simula 12:01 kaninang hatinggabi ang malakihang price increase sa liquefied petroleum gas (LPG) products.
Nagpatupad ng dagdag P3.35 ang Petron sa kada kilo ng LPG habang P1.87 sa kada litro ng auto-LPG.
Dagdag P3.27 ang ipinatupad ng Solane para sa kada kilo ng kanilang LPG simula ngayong 6 ng umaga. — sa panulat ni Drew Nacino.
