Nakalabas na ng PNP General Hospital sa Kampo Crame si Peter Joemel Advincula na mas kilala sa alyas na Bikoy makaraang isugod ito dahil sa pananakit ng dibidib at hirap sa paghinga.
Ayon kay PNP Spokesman P/Bgen. Bernard Banac, binigyan ng first aid si Bikoy nang isugod ito kahapon sa ospital at saka isinailalim sa ECG at Xray kung saan, lumabas na normal naman ang kundisyon nito
Gayunman, sinabi ni Banac na lumabas sa findings ng mga doktor na sumuri kay Advincula na nakararanas umano ito ng anxiety disorder dahil sa pagkakapiit niya sa loob ng Kampo Crame.
Magugunitang ipiniit si alyas Bikoy sa tanggapan ng Criminal Investigation and Detection Group (CIDG) matapos na sumuko makaraang ipaaresto naman ng korte dahil sa patumpatong na kaso ng estafa.
