Nakapagtala ang Department of Health (DOH) ng 11,653 na nakarekober o nakalabas na sa ospital ngayong araw, Enero 31 dahilan upang umabot sa 487,551 ang kabuuang bilang ng lahat ng gumaling sa COVID-19 sa bansa.
Nadagdagan naman ng 2,103 ang bilang ng nagpositibo sa naturang virus ngayong linggo na nagbunsod upang pumalo sa 525,618 ang kabuuang numero ng lahat ng kaso ng COVID-19.
Habang 27,318 sa mga ito ay itinuturing na aktibong kaso.
Samantala, tinatayang 10,749 naman ang natalang kabuuang namatay dulot nito matapos madagdag sa bilang ng nasasawi ang 80 katao. —sa panulat ni Agustina Nolasco
