Naitala ng South Korea ang pinakamaraming panibagong kaso ng coronavirus disease (COVID-19) ngayong Sabado.
Sa pinakahuling update, 2,931 na ang kabuuang bilang ng nag-positibo sa COVID-19 sa South Korea at 594 dito ang naitala ngayong Sabado lamang.
Ayon sa Korea Centers for Disease Control and Prevention (KCDC), 476 sa panibagong kaso ay mula sa Daegu, kung saan pinaniniwalaang nagsimula ang outbreak sa nasabing bansa, at 60 naman ay sa katabing probinsya na North Gyeongsang.
Nangunguna pa rin ang South Korea sa mga bansang may pinakamaraming kaso ng COVID-19 sa labas ng Mainland China.
Nananatili naman sa 16 ang namatay dito dahil sa virus.
