Umabot na sa mahigit 2,000 ang kaso ng dengue na naitala ng Department of Health Calabarzon sa lalawigan ng Laguna mula nang magsimula ang taong 2022.
Ayon kay Health Officer Dr. Rene Bagamasbad ng nasabing lalawigan, nasa 2, 255 dengue cases ang naiulat mula noong January hanggang nitong July 14.
Sinabi ni Bagamasbad, na mayroon silang 3-year cycle na tinatawag kung saan tumataas ang kaso ng dengue.
Huling naitala ang pagtaas ng bilang ng naturang sakit sa nabanggit na lugar noong 2019 kung saan umabot ito ng halos 22,000.
Dahil dito, nanawagan si Bagamasbad sa mga barangay officials na panatilihing malinis ang kapaligiran at puksain ang mosquito breeding sites.
