Inihayag ng Philippine Consulate sa Hong Kong na umabot sa 3,285 ang kabuuang bilang ng mga bumoto sa Philippine Consulate sa Bayanihan Center sa Hong Kong para sa 2022 elections.
Ayon kay Commissioner on Overseas Voting Marlon Casquejo, walang naging problema sa Vote Counting Machines (VCMs) pero tatlong balota ang nareject dahil mayroong mga marka at sira.
Sinabi naman ni Casquejo, na kanilang dadagdagan ang Voting precincts sa Hong Kong upang matugunan ang problema sa pagdagsa ng mga botante. — sa panulat ni Angelica Doctolero
