Tataas pa ang bilang ng mga dayuhang darating sa Pilipinas kasabay ng pagbubukas ng borders para sa leisure travel.
Ayon kay Bureau of Immigration (BI) Port Operations Chief Carlos Capulong, mula sa walong libong pasaherong dumarating ay aakyat pa ito sa 9K kada araw.
Kahapon, binuksan na ng BI ang isang-daang porsyentong onsite capacity nito sa kanilang mga empleyado, para matugunan ang tumataas na bilang ng mga dumarating na dayuhan.
Posible namang umakyat pa sa 10k hanggang 11K ang dumarating sa pilipinas sa mga susunod na buwan. – Sa panulat ni Abigail Malanday
