Umakyat na sa 50 milyon ang bilang ng mga indibidwal na fully vaccinated na kontra COVID-19.
Ayon kay Vaccine Czar Carlito Galvez Jr., kailangan pang mabakunahan ang nasa apat na milyong indibidwal upang maabot ang target na bilang ng pamahalaan na 54 million.
Aniya, nadelay lang ng isa hanggang dalawang linggo ang Bayanihan, Bakunahan dahilan ng pagkakaroon ng disastrous event.
Sa ngayon, plano ng pamahalaan na mabakunahan ang natitira pang apat na milyong indibidwal upang maabot ang target na 54 million sa una hanggang ikalawang linggo ng buwan ng enero sa susunod na taon. —sa panulat ni Angelica Doctolero
