Mahigit 2,000 mga illegal aliens ang naaresto ng Bureau of Immigration (BI) ngayong taon.
Ayon kay BI commissioner Jaime Morente, karamihan sa mga ito ay mga Chinese nationals.
Mula sa naturang bilang, 1,836 sa mga ito ang iligal na nakapasok sa bansa habang 421 sa mga naaresto ay mga foreign fugitive.
Aniya, magpapatuloy ang mas pinaigting na kampanya laban sa mga iligal na dayuhan at ipapabalik sila sa kanilang bansang pinagmulan.
