Dumarami ang bilang ng mga nanganganak na nagpopositibo sa COVID-19 sa Dr. Jose Fabella Memorial Hospital kahit hindi ito isang COVID-19 referral hospital.
Ayon sa ulat, nasa 30 mga ina ang may mild COVID-19 at asymptomatic.
Hindi na rin sila inihihiwalay sa kanilang mga anak upang makapag-breastfeed.
Pinagsusuot na lamang ang mga ito ng face masks at regular na pinaghuhugas ng kamay upang maiwasan ang pagkalat ng virus.
Sinabi naman ng ospital na may hiwalay silang lugar para sa mga suspected at confirmed COVID-19 cases na manganganak.
Kabilang din sa mga tinamaan ng COVID-19 sa nasabing ospital ang tatlong sanggol at dalawang mga bata.—sa panulat ni Hya Ludivico
