Umakyat na sa walo ang bilang ng mga napapatay na Abu Sayyaf sa bakbakan ng militar at ng mga bandido sa Sulu.
Kabilang sa mga napatay na Abu Sayyaf Group Leader sina Karra Kinod, Asbaili Ijiram at Bari Rabahand Hassan Angkong na pawang may standing warrant of arrest.
Ayon kay Maj. Genn. Carlito Galvez Jr., Commander ng Western Mindanao Command ng AFP o Armed Forces of the Philippines, nabawi sa mga napaslang na bandido ang ilang mga pampasabog, bala at iba pang mga armas.
Dahil dito, naglatag na sila ng naval blockade sa palibot ng Capual Island upang hindi makatakas ang mga nakasagupang bandido na duon nagtatago.
By Jaymark Dagala | With Report from Jonathan Andal
Photo Credit: CNN Philippines
