Umaabot na sa 92 ang patay sa landslide sa Barangay Masara, Maco, Davao de Oro.
Batay sa pinakahuling datos ng Municipal Disaster Risk Reduction and Management Office ng Maco, nasa 36 na katao pa ang nawawala sa insidente.
Ayon kay Lea Añora, Cluster Head ng Department of Interior and Local Government-Management of the dead and missing, aabot sa 36 na death certificates ang na-isyu na matapos ang pagguho ng lupa sa lugar.
Kaugnay nito, mananatili naman ang mga tauhan ng Davao City Urban search and rescue 9-1-1 ng tatlo pang araw sa lugar, upang tumulong sa retrival operations. – sa panunulat ni Charles Laureta
