Nadagdagan pa ang bilang ng mga nasawi sa malawakang pagbaha dahil sa walang tigil na pag-ulan sa Pakistan.
Ayon sa National Disaster Management ng Pakistan, sumampa na sa 1,100 ang bilang ng mga nasawi kung saan, pinakaapektado ang mga residente sa Bayan ng Charsadda at Bayan ng Nowshehra District Village.
Matatandaang isinailalim na sa State of Emergency ang naturang bansa dahil sa pagtaas ng bilang ng mga apektadong pamilya na patuloy na nangangamba dahil sa inaasahang paglala ng baha sa kanilang lugar.
Sa ngayon umabot na sa 1,575 ang bilang ng mga sugatan habang 33 million na pamilya naman ang bilang ng mga nagsilikas dahil sa epekto ng pagbaha.
