Apat ang patay kabilang ang isang menor de edad habang isandaan at limampu naman ang sugatan sa nagpapatuloy na protesta ng mga residente sa border ng Gaza at Israel.
Nagsunog ng gulong, namato at nagpalipad pa ng mga nagliliyab na saranggola ang mga residente sa pader na hinarang ng Israeli forces.
Batay naman sa ulat ng Gaza health ministry, sumampa na sa tatlumpu’t pito ang mga residenteng nasawi sa ika-apat na araw ng protesta dahil na rin sa pagganti ng mga sundalo.
Magugunitang nag-ugat ang hidwaan ng Israel at Palestine dahil sa pag-ako ng grupong hamas na isang Islamist militant na siyang itinuturong pasimuno ng mga pag-aaklas sa lugar.
