Umakyat na sa 502 terorista ang napatay ng militar sa loob ng sampung (10) linggong bakbakan sa Marawi City.
Ayon kay Captain Joan Petinglay, tagapagsalita ng Armed Forces of the Philippines (AFP) Western Mindanao Command, labing isang (11) maute ang nadagdag sa listahan ng mga nasawi.
Limandaang (500) gusali pa rin ang kailangang i-clear at marami rin aniyang ikinalat na pampasabog ang mga kalaban sa lugar kaya’t maingat ang pag-abante ng mga sundalo.
Kasunod nito, kumpiyansa si Petinglay na malapit nang matalo ng puwersa ng pamahalaan ang mga terorista na nagkukubli pa rin sa lungsod.
