Pumalo na sa 410,474 ang bilang ng mga komyuter na naserbisyuhan ng libreng sakay sa EDSA bus carousel na nakatakdang magtapos sa December 31, 2022.
Ayon sa Land Transportation Franchising and Regulatory Board (LTFRB), ito ang kauna-unahang pagkakataon na nakapagtala ng mahigit apat naraang libong mga mananakay sa 24/7 EDSA busway sa ilalim ng service contracting program ng pamahalaan.
Layunin ng programa na matugunan ang pangangailangan ng mga commuters, operators, at drivers lalo na ngayong holiday season.
