Pumalo na sa higit 4M ang bilang ng mga Pilipino sa Estados Unidos ayon sa U.S. Census Bureau.
Ito ay batay sa resulta ng pinakabagong american Community Survey kung saan kabilang sa nasabing populasyon ang mga purong Pilipino, Filipino Americans at mga amerikanong may filipino ancestry.
Naitala naman sa California ang pinakamaraming bilang ng mga Pilipino na pumalo sa 1,653,167 na sinundan ng Hawaii sa bilang na 367, 952.
Kasama rin ang Texas, Nevada, Washington, Florida, Illinois, New Jersey, New York at Virginia sa mga American State na may maraming pilipinong nakatira o nagtatrabaho.
