Inaasahang papalo sa 430,000 sasakyan ang daraan sa EDSA ngayong holiday season.
Ayon kay MMDA Chairman Romando Artes, mas bumigat ang daloy ng trapiko ngayon kumpara noong pre-pandemic level.
Ito’y dahil nasa 417,000 average na ang bilang ng mga sasakyan ngayong panahon kumpara sa 405,000 vehicles na dumaraan sa EDSA noong bago sumiklab ang COVID-19 pandemic.
Samantala, tinututukan na ng Department of Transportation ang EDSA Bus Carousel, lalo’t ginawa ng 24 oras ang operasyon nito na inaasahang makadaragdag sa mabigat na daloy ng trapiko. —sa panulat ni Jenn Patrolla
