Umakyat na sa mahigit isandaan limampu (150) ang nasawi sa pagsabog ng isang fuel tanker sa Ahmedpur City, Pakistan.
Naputukan ng gulong ang truck habang papaliko na sa pa-kurbang bahagi ng kalsada kaya’t tumagas ang karga nitong krudo.
Batay sa imbestigasyon, dinumog ng mga residente ang truck para kumuha ng tumagas na krudo pero nagliyab ang tanker at sumabog matapos dumaan ang isang motorista na nagsindi ng sigarilyo.
Bagaman pinigilan na ng mga pulis ang mga residente, may ilan pa ring nagmatigas na mangolekta ng tumagas na krudo.
Biyahe sanang Lahore ang tanker mula Karachi nang maganap ang trahedya.
By Drew Nacino
