Nadagdagan pa ang bilang ng mga pasaherong dumagsa sa mga pantalan ngayong araw sa buong bansa.
Batay sa datos ng Philippine Coast Guard (PCG) hanggang alas-6 ng umaga kanina, umabot sa 21,955 outbound passengers at 17,797 inbound passengers ang naitala ngayong araw.
Umabot naman sa 2,001 frontline personnel ang nai-deploy ng PCG sa 15 PCG District, na nakapag-inspeksyon ng 207 na sasakyang-pandagat at 69 na motorbancas.
Noon pang december 15 hanggang January 7 idineklara ng PCG ang “heightened alert” sa bansa, upang matugunan ang pagdagsa ng mga pasahero ngayong Holiday season.
