Patuloy ang paglapit sa eastern Samar ng Low Pressure Area (LPA) sa bahagi ng silangang Visayas.
Huling namataan ng PAGASA ang LPA sa layong 510 kilometro, silangan ng bayan ng Guiuan.
Apektado naman ng northeast monsoon o amihan ang northern at central Luzon.
Dahil dito, asahan na ang maulap na papawirin na may kasamang mahina hanggang sa katamtamang pag-ulan sa Davao Region at karatig rehiyon sa Mindanao.
Maulap na papawirin na may kasama ring mahinang pag-ulan sa Cagayan Valley, Cordillera Regions at mga lalawigan ng Aurora at Quezon.
Posible namang makararanas ng bahagyang maulap na papawirin na may kasamang kalat-kalat na mahinang pag-ulan sa Metro Manila at nalalabing bahagi ng Luzon.
Magiging bahagya ring maulap ang papawirin na may kasamang kalat-kalat na thunderstorms sa nalalabing bahagi ng bansa.
By Drew Nacino
