Naitala na naman ang bagong kaso ng African swine fever (ASF) sa isa pang bayan sa Rizal.
Ito ay matapos na ideklara nang ASF–free ang bayan ng Rodriguez kung saan unang naitala ang naturang sakit sa mga baboy.
Ayon kay Agriculture Secretary William Dar, nag positibo sa ASF ang ilang mga baboy mula sa Binangonan.
Una nang isinalang sa culling o pagpatay ang mahigit 700 mga baboy sa gitna ng ASF outbreak sa lugar.
Bukod sa Binangonan, tinututukan na rin ng Department of Agriculture ang kaso ng ASF sa Camarines Sur.
