Inihatid na sa kanyang huling hantungan ang binatilyong may special needs na nabaril ng pulis sa ikinasang operasyon kontra tupada sa Valenzuela City.
Pahayag ni Aling Helen, ina ni Edwin Arnigo, ipagpapasa-Diyos na lang niya ang sinapit ng kanyang anak.
Matatandaang isiniwalat ng mga pulis na sinubukang mang-agaw ng baril ni Arnigo kung kaya’t napatay ito.
Iginiit naman ni Valenzuela police chief Col. Ramchrisen Haveria Jr. na hindi sinadya ng kanyang tauhan ang pagkakabaril kay Arnigo.
Nasa restrictive custody na ang pulis na nakabaril sa biktima, kasama ang tatlong iba pa, habang iniimbestigahan ng National Bureau of Investigation (NBI) ang nasabing insidente.
