Sinuspindi ng Philippine Coast Guard (PCG) ang biyahe ng lahat ng sasakyang pandagat na patungong Coron, Palawan.
Ito ay matapos na magtaas ng gale warning ang PAGASA sa Northern at Western Seaboard ng Palawan.
Kaugnay nito, ipinag-utos na rin ng PCG-El Nido station ang suspensyon sa lahat ng island hopping activities sa Bacuit Bay dahil na rin sa hindi magandang lagay ng panahon.
Nakararanas ng masamang panahon ang Palawan dahil sa habagat na pinalalakas ng bagyong Jenny.
