Kinansela ni Russian Foreign Minister Sergei Lavrov, ang kaniyang biyahe papuntang United Nations sa Geneva, Switzerland dahil sa “Anti-Russian Sanction” na ipinataw ng mga bansa sa European Union (EU) sa Russia.
Ayon kay Lavrov, nakatakda sana siyang humarap sa UN Human Rights Council at sa Conference on Disarmament nang personal ngayong araw, Marso a-1 para magbigay din ng Press Conference pero napilitan siyang kanselahin ito dahil narin sa tensyon ng Russia at Ukraine.
Sinabi ni Lavrov na ipinagbawal sa kaniya ang paglipad sa Airspace ng ilang mga bansa sa EU na nagpataw ng sanction matapos ang ginawang pananakop ng kanilang bansa sa Ukraine. —sa panulat ni Angelica Doctolero
