Tuluy-tuloy ang biyahe ng mga bus sa EDSA carousel ngayong Semana Santa.
Ito ang kinumpirma ng Department of Transportation upang maasistehan ang mga pasahero na bibiyahe mula sa monumento sa Caloocan hanggang PITX.
Bagaman suspendido ang operasyon ng MRT-3 mula 28 hanggang 31 ng Marso, mananatili namang bukas ang ilang istasyon nito na malapit sa pick up at drop off points ng EDSA carousel upang may madaanan ang mga pasahero.
Kabilang sa mga istasyong mananatiling accessible sa mga pasahero ang Quezon Avenue Station, Santolan Station, Ortigas Station, Guadalupe Station at Buendia Station. – sa panunulat ni Maianne Dae Palma
