Wala ng kaso ng COVID-19 sa mga person deprived of liberty sa mga kulungan sa buong bansa.
Ito ang tiniyak ng Bureau of Jail Management and Penology (BJMP) bunsod ng mataas na vaccination rate.
Ayon kay BJMP Spokesman, Jail Major Xavier Solda, sa ngayon ay walang naitalang COVID positive sa mga preso.
Umaasa anya sila na magtuloy-tuloy na ang downward trend at walang nang mahahawaan pa na mga bilanggo.
Samantala, ipinaalala naman ni BJMP Chief, Jail Director Allan Iral sa mga jail personnel na huwag maging kampante at patuloy na maghigpit sa pagpapatupad ng health at security protocols sa mga opisina at pasilidad.
