Magsusuot ng itim na t-shirt ang mga estudyante ng University of San Carlos sa Cebu ngayong araw at bukas, araw ng Biyernes.
Ito ay upang ipakita ang pagkikiramay ng buong unibersidad sa nangyaring pamamaslang sa 17-anyos na estudyante nito na pinaslang at hinihinalang hinalay.
Ayon kay USC Office of Student Affairs Head Niel Steve Kintanar, kinokondena ng paaralan ang walang awang pagpatay sa accounting student na si Karen Kaye Montebon sa kanilang tahanan noong Martes.
Nanawagan din ang paaralan na agarang maresolba ang krimen at mapanagot ang mga suspek.
Natagpuang ang bangkay ng dalaga sa kanyang kuwarto, nakatali ng kurdon ang kanyang leeg at puno ng pasa ang katawan.
By Rianne Briones
