Nagsagawa ng bloodletting activity ang Square & Compass We Connect (SCWC) Dugong Mason sa Grand Lodge of the Philippines Plaridel Masonic Temple sa Malate, Maynila.
Ayon kay Bro. Roy Castronuevo, layunin ng kanilang grupo na makalikom maraming bags ng dugo ngayong COVID-19 pandemic upang magamit ng mga nangangailangan at madugtungan ang kanilang buhay.
Ang aktibidad ay may temang “give blood, save lives, be a hero” kung saan matagumpay itong nairaos mula alas-8:00 ng umaga hanggang kaninang alas-2:00 ng hapon.
Sinabi ni Castronuevo na ito na ang ikalima nilang blood donation event ngayong taon.
Samantala, nanawagan din ang grupo sa publiko na patuloy at huwag silang magsawa sa pagbibigay ng dugo para sa kanilang mga kababayan.
