Inako ni Bureau of Customs (BOC) Commissioner Nicanor Faeldon ang pananagutan makarang makalusot ang bilyung-bilyong pisong halaga ng shabu.
Ito’y makaraang mabuking ang mahigit limandaang kilo ng shabu na nagkakahalaga ng mahigit anim na bilyong piso at naka-imbak sa isang bodega sa Valenzuela City noong Mayo.
Sa isinagawang pagdinig ng mababang kapulungan ng Kongreso kahapon, ipinaliwanag ni Faeldon na hindi naitala ng pinuno ng Risk Management Office ng Customs ang mga mahahalagang impormasyon hinggil sa nasabing kontrabando kaya iyon nakalusot.
Dahil dito, ginisa ng mga mambabatas si Faeldon at pinagbantaan pang hindi paglalaanan ng pondo ang customs sa ipapasang panukalang pambansang budget para sa susunod na taon.
- Jaymark Dagala
