Kinumpirma ng Department of Health na kasama ang pagtuturok ng booster shots sa ilalargang National Vaccination days ng gobyerno simula bukas hanggang December 1.
Inihayag ni DOH Director 4, Dr. Beverly Ho na bibigyan ng booster ang mga eligible individual na nasa A1, A2 at A3 categories sa mga nasabing araw.
Magugunitang ibinaba ng gobyerno sa siyam na milyong indibidwal ang target bakunahan sa loob ng tatlong araw.
Itatakda naman ang isa pang vaccination drive sa Disyembre 15 hanggang 17 upang makamit ang target na bakunahan ang 54 million individuals laban sa COVID-19 sa katapusan ng taon.—sa panulat ni Drew Nacino
