Binakante na ni Timothy Bradley ang WBO World Welterweight title nito.
Ito ay matapos siyang atasan ng WBO ng mandatory na pagdepensa sa kanyang titulo kontra kay Sadam Ali.
Ang problema, mabibigo si Bradley na makasunod sa naturang utos ng WBO dahil una na itong nakaporma ng kontrata sa laban nila ni 8-division world champion Manny Pacquiao na gaganapin sa Abril 10, oras dito sa Pilipinas.
Inamin ni Bradley na mahirap itong desisyon para sa kanyang panig ngunit kailangan niyang gawin upang mabigyan ng mas magandang laban ang kanyang mga fan.
Dahil dito, sina Jessie Vargas at Sadam Ali na ang maglalaban sa Marso para sa binakanteng titulo ni Bradley.
By Ralph Obina
*Photo Credit: Noah K. Murray/USA TODAY Sports
