Nilinaw ng Department of Health (DOH) na ipapaalam din sa mga magpapabakuna ang coronavirus disease 2019 (COVID-19) vaccine na ituturok sa kanila pagdating nila mismo sa vaccination center.
Ayon kay Health Undersecretary Maria Rosario Vergeire, ang nais lang nilang mangyari ay hindi maianunsyo ang bakunang available sa partikular na vaccination site para sa partikular na araw.
Ngunit karapatan naman aniya malaman ng magpapabakuna ang COVID-19 vaccine na ituturok sa kaniya.
Kasabay nito, binigyang diin din ni Vergeire na lahat ng bakuna ay ligtas at epektibo kontra COVID-19.
