Dinaan na lamang sa tawa ng Hashtag member na si Bugoy Bugoy Cariño, ang mga lumabas na balita na nabuntis niya ang kanyang girlfriend na volleyball player na si Ej Laure.
Sa kanyang Twitter ay nag-post si Bugoy ng “Tatawanan ko na lang Kayoo” na tila pinatatamaan ang mga nagkakalat ng pekeng balita.
Sinabi din ni Bugoy na ipagdadasal na lamang niya ang mga taong walang magawa sa kanilang buhay.
Sa hiwalay na post, ay itinanggi rin ng girlfriend nito na si EJ Laure na siya ay buntis.
Saad ni EJ, inie-enjoy lamang niya ang kanyang buhay ngayon at ipinapahinga ang kanyang injured na balikat para sa muli niyang pagbabalik sa Season 81 ng UAAP Women’s Volleyball.
Nag-post din ng mga larawan si EJ na nagpapakita na walang pagbabago sa porma ng kanyang tiyan na maaaring maging indikasyon na siya ay nagdadalang-tao.
HAHAHAHAHA tatawanan ko nalang kayooooo
— Bugoy Cariño (@hashtag_bugoy) March 10, 2018
