Umapela ang Malakanyang na huwag nang bigyang negatibong pakahulugan ang madalang na pagpapakita ni Pangulong Rodrigo Duterte sa publiko.
Ayon kay Presidential Spokesperson Ernesto Abella, buhay na buhay ang Pangulo at abala sa kanyang trabaho.
Aniya, kahit hindi madalas na makita si Pangulong Duterte ay kontrolado nito ang sitwasyon at alam anya nito ang mga problema ng bansa lalo na ang nagpapatuloy na kaguluhan sa Marawi City.
Ngayong araw ay inaasahang makikita si Pangulong Duterte sa publiko dahil sa dadaluhang NEDA board meeting at ceremonial presentation ng labinglimang milyong pisong (P15-M) donasyon para sa Marawi City.
By Krista De Dios | With Report from Aileen Taliping
