Pinayuhan ni BUHAY Partylist Rep. Lito Atienza si incoming President Rodrigo Duterte na ayusin muna ang problema ng bansa bago mang-away ng kung sinu-sino.
Inihayag ito ni Atienza sa harap na rin ng kaliwa’t kanang batikos na tinatanggap ni Duterte dahil sa mga pambibira nito sa media at sa simbahang Katolika.
Giit ni Atienza, maraming problema ang Pilipinas na dapat mas pagtuunan ng pansin ng susunod na Pangulo ng bansa kaya’t mas mainam aniya na kumilos ito ng maayos at nararapat.
Dagdag pa ng mambabatas, mga ordinaryong Pilipino lamang din ang mga miyembro ng media at mga obispo kaya’t hindi ito dapat minumura o ipinapahiya sa harap ng publiko.
By: Jaymark Dagala
