Magsasampa ng class suit ang pamahalaang panlalawigan ng Bulacan laban sa NAPOCOR at iba pang ahensya na responsable sa pagpapalabas ng tubig mula sa Angat dam.
Ayon kay Bulacan Governor Wilhelmino Sy Alvarado, itinuloy pa rin ng NAPOCOR ang pagpapalabas ng tubig sa Angat sa kabila ng kanilang panawagan na ibalam at pahupain muna ng kahit bahagya ang baha sa ilang bayang apektado ng bagyong Nona.
Sinabi ni Alvarado na halos 250,000 residente ng Bulacan ang lubhang naapektuhan ng biglang paglaki uli ng tubig dahil sa apat na araw na pagpapakawala ng tubig mula sa Angat.
Maliban sa NAPOCOR, kabilang rin sa class suit ang National Water Resources Board, National Irrigation Authority at Manila Waterworks and Sewerage System.
By Len Aguirre
