Napanatili ng world heavyweight champion na si Anthony Joshua ang kaniyang korona sa boksing matapos itumba ang katunggali niyang Bulgarian boxer na si Kubrat Pulev.
Sa kanilang paghaharap sa Wembley Arena sa London, tinapos ni Joshua ang laban nila ni Pulev sa parisukat na lona sa ika-siyam na round.
Dahil sa nagpapatuloy na COVID-19 pandemic, nananatiling limitado pa rin ang mga nanuod sa naturang laban na nasa 1,000 lamang.
Kaugnay nito, nakapagtala na ng 24 na panalo si Joshua sa kaniyang kartada mula sa kabuuang 25 laban na hinarap nito.
