Sinabon ni PNP Chief Dir/Gen. Ronald Bato Dela Rosa ang buong hanay ng pulisya makaraang kontrahin ng isang hindi nagpakilalang opisyal ng PNP ang mga pahayag ng Pangulong Rodrigo Duterte.
Sa isinagawang command conference sa kampo Crame, sinabi ni Dela Rosa na dapat magpakilala ang nasabing opisyal kung talagang may tapang ito at hindi dapat minamaliit ang mga binibitiwang pahayag ng Pangulo.
Una nang inilathala ng international news wire na Reuters ang hindi pagsang-ayon ng nasabing opisyal sa pahayag ng Pangulo na 2 pulis ang napapatay kada araw sa kampaniya ng gubyerno kontra droga.
Kinontra rin ng hindi nagpakilalang opisyal ang pag-amin ng Pangulo na may pressure na nararanasan ang bansa sa pagpapasuko sa may mahigit 1.8 Milyong drug dependents sa bansa.
By: Jaymark Dagala
