Nagpositibo sa COVID-19 si Caloocan City Second District Representative Egay Erice.
Ito ang kanyang inanunsyo sa isang post online, aniya makalipas ang walong araw na quarantine, lumabas na siya’y positibo sa virus.
Dahil dito, ani Erice, kakailanganin nilang panandaliang isara ang kanilang district office dahil ilan sa mga staff nito ay dinapuan din ng COVID-19.
Mababatid na bagama’t nakararanas ng mild symptoms ng COVID-19 ang opisyal, ay wala naman aniyang dapat ipag-alala rito ang publiko.
Sa huli, nanawagan si Erice ng dasal para sa bawat-isa ngayong may pandemya.
