Nagpositibo sa COVID-19 si Caloocan City Mayor Oca Malapitan.
Ito ang kinumpirma ni Malapitan sa isang online post sa kabila nang pagiging fully vaccinated nito ng Astrazeneca vaccine.
Ani Malapitan, siya ay kasalukuyang nasa maayos na kalagayan at kasalukuyang nagpapagaling.
Dahil dito, nanawagan si Malapitan sa mga naging close contacts nito na mag-self quarantine at sumailalim sa swab testing.
Gayunman, tiniyak ng Alkalde na patuloy niyang gagampanan ang tungkulin sa lungsod at makikipag-uganayan sa iba’t ibang sangay ng lokal na pamahalaan.
