Nanindigan si Philippine Charity Sweepstakes Office (PCSO) Board Member Sandra Cam na hindi siya natatakot sa umano’y pagbabanta at pambu-bully sa kanya ng mga tauhan ni PCSO General Manager Alexander Balutan.
Nitong Huwebes, Enero 4, ay nagtungo sa Mandaluyong City police station si Cam upang ipa-blotter ang pagbabanta ng isang tauhan umano ni Balutan na pasasabugin ang kanyang opisina.
Ayon kay Cam, sa halip na magbanta ay dapat na lamang magsalita si Balutan hinggil sa tunay na isyu sa PCSO.
‘Wag tayong mag – segway ng mga issue. Ang issue natin ditto ay ‘yung Christmas party na very [expensive], at ‘yung STL na niloloko niyo, alam mo [Balutan] na niloloko niyo ang gobyerno, niloloko niyo si Presidente, hindi niyo sinasabi ang totoo.
Samantala, kinuwestyun din ni Cam ang kakayahan ni Balutan sa pagsugpo sa illegal gambling.
Kung nakaya mo [Balutan] ang violation ng Pangasinan at violation ng Cam Sur, mas matindi ang violation sa Cam Sur.
Ang sagot niya [Balutan], ‘Napaka-influential ng isang gambling lord, hindi ko kayang labanan’.
Heneral ka, Marines ka, nakakahiya kayo… nakakahiya sa Marines na kasama mo.
Lumaban kayo, nakipagpatayan ka [Balutan] sa bukid, isang gambling lord hindi mo kayang labanan? Hindi ko kayang isipin ‘yun.
